جميع نكت ابو العبد حصريا على موقع نكت

ابو العبد عم يغازل مرته وقال لها :

بتعرفي لو انك بالهند لعبدوكي

ام العبد:يعني انا ملاك يا عمري؟

ابو العبد: لأ بقره ...


أبو العبد كان مرة معزوم على سهرة بقصر واحد مليونير كبير فوق الريح. وكان هالمليونير مربى عندو بمسبح القصر، مختلف أنواع وأشكال التماسيح.

بنص السهرة، عرض المليونير الكبير على المعازيم، مبلغ مليون دولار من المال، ليلي بيقدر يقطع البركة كلها سباحة بين التماسيح اللي مرباهن بالدلال ، او اذا ما بدو مال، تعهد يزوجو بنتو، ست الحسن والجمال.


وفجأة، ما لقى المدعوين الا أبو العبد بينط عالبركة وبيقطعها سباحة من أولها لآخرها بوقت قياسي.

المليونير والمدعوين اندهشوا من شجاعة أبو العبد النادرة، وبلش التصفيق من فجو غميق لأبو العبد اللي حيى بدوره جمعة النا س الساهرة

المليونير تقدم من أبو العبد وهناه وصافحو وشد كتير على ايديه. وخيرو بين انو يسلموا شيك بالمليون دولار أو انو يزوجو بنتو اللي متل القمر

بس ابو العبد من شهامتو اعتذر، وقللو للمليونير، انا منك ما بدي شي مع الشكر، لا بدي المليون تبعك ولا بدي كون عريس بنتك المنتظر. أنا بس بدي اعرف مين هيدا السافل يللي دفشني عالبركة، رح طق يا زلمي من القهر


ابو العبد : صارلي شهر عم بحاول بيع هالسيارة مش عارف ابيعها !!
ابو  : اي شو ماركتها السيارة ؟
ابو العبد : رينو 5
ابو صطيف : اي فيه حدا بيشتري رينو 5 بها الايام !!
انا لو محلك بشيل علامة الرينو و بحط محلها علامة مرسيدس !!
على طول بتباع معك السيارة !!
بعد شهرين التقى ابو العبد مع ابو صطيف !!
ابو صطيف : ان شاء الله بعت السيارة يا ابو العبد ؟
ابو العبد : شو مفكرني اهبل .... فيه حدا عنده مرسيدي ببيعها !!!'


'ابوعبد وهو عم بيموت اتطلّع بمرته نظرة كلها رومانسية وقالها : "انا لما انطردت من شغلي كنتي معي...ولما فلست كمان كنتي طول الوقت معي....ولما وقعت ومرضت كنتي واقفة جنبي..."
وهلق وانا على فراش الموت كمان جنبي, وقام ومسك ايدها بحنية وقالها : "مش عارف ليش حاسيس انك نحس..
أبو العبد وابو صطيف كانوا بيوم راجعين بآخر الليل سكرانين وقفهم الشرطي وسأل أبو صطيف: اسمك وعنوانك؟
ابو صطيف : أنا اسمي ابو صطيف، بس ناسي وين ساكن
أبو العبد: وأنا اسمي أبو العبد، ساكن بالبيت اللي جنب بيت أبو صطيف.

ابو العبد وابو اصطيف وابو عنتر قاعدين بقهوة عمينشدوا بولادهم ........
ابو اصطيف : انا ابني مرة ظل 5 دقائق تحت المي
ابو عنتر : انا ابني مرة ظل 10 دقائق تحت المي
ابو العبد : انا من سنة اخذت ابني عالبحر . نزل تحت المي ولسا لهلق ما طلع ........

ابو العبد قرر يترشح لرئاسة الجمهورية ..........ولما راح على وزارة الداخلية تا يقدم طلب الترشيح ...........قلو الظابط : شو انت مجنون ؟.........................
فقلو ابو العبد : ليش هيدا شرط ضروري؟؟؟؟

ابو العبد و ابو صطيف و ابو عمر قاعدين بالمشفى بستنوا نسوانهم تيخلفوا !!
المهم و هما ناطرين قام ابو عمر وقال : والله يا شباب مبارح حضرت فيلم عنتر و عبلة !! وبنفس اللحظة اجت الممرضة وقالت : مبروك او عمر !! اجاك توم ولد و بنت !!
قام ابو صطيف وقال : والله يا شباب مبارح حضرت مسرحية المشاغبين التلاتة !! و بنفس اللحظو اجت الممرضة وقالت : مبروك عمو ابو صطيف اجاك 3 ولاد مرة وحدة !!
قام ابو العبد وقع على طول و اغمى عليه !! ركضوا الناس عليه ليشوفوا شو صار له !!
شو فيه يا ابو العبد ؟؟ قام ابو العبد وقال : تركوني بحالي ويلي على قامتي !!
مبارح كنت عم بتفرج على فيلم : علي بابا و الاربعين حرامي !!!!
'

أبو العبد وأبو صطيف قاعدين بالقهوة...

قال أبو العبد لأبو صطيف: شايف يا أبو صطيف هالصرعة الجديدة، هيدا يللي أسمو موبايل.

أبو صطيف: شايف بالله، نحنا ما خلصانين بفواتير التلفون العادي حتى نلاحق فواتير الموبايل.

أبو العبد: والله، يا أبو صطيف ما إلنا غير نصير نستخدم الحمام الزاجل أنا وأنت، ونتراسل بالحمام الزاجل متل ما كانوا يعملوا جدودنا من قبل، ولا فواتير ندفعها ولا بلوط.

أبو صطيف: والله، فكرة حلوة يا أبو العبد

وتاني يوم، صار أبو العبد وأبو صطيف يتراسلوا بالحمام الزاجل... هيك قرابة شهر.

وبيوم من الأيام، قاعد أبو العبد على هالشباك، وإذ، إجتو حمامة!

قال أبو العبد: هه، هيئتو أبو صطيف باعتلي رسالة
مسك أبو العبد الحمامة، وصار يفتش فيها ويقلّبها - فتش بين رجليها، تحت جناحيها، ما لقى شي. فتش ببدنها، فتش بدنبها، كمان ما لقى شي !
فاستغرب، ومسك هالموبايل وأتصل بأبو صطيف:

أبو العبد: وْلي أبو صطيف، باعتلي حمامة فاضية؟
أبو صطيف: ولِكْ لأ يا أجدب، هيدي معناها "مس كول"

'أبو عبد مسطل ع الاخر وقف ابو صطيف وسأله:قولي بحياة أبوك....الرصيف التاني وين؟؟؟؟
أبو صطيف:هونيك ع الناحية التانية ....أبو عبد: اولاد الكلب قبل شوي كنت هونيك وقالوي انه هون


ابو العبد راح عالمخفر حتى يبلغ عن مرته اللي صارلها اسبوعين مارجعت عالبيت...
اخذ ابنه الصغير عبد معه
الشرطي سأله : شو هي مواصفات زوجتك؟
رد أبوالعبد : طويلة, شقرا, أمورة, وعيونها خضر.
ولا ابنه عبد بيقاطعه وبيقول : بابا...بابا....هيدي مش مواصفات الماما
سكّته ابو العبد وقال له : اي اسكوت بركي بيجيبولنا واحدة أحلى منها :1: ...!

أبو العبد كان راكب دراجة جديدة، التقى بصاحبه أبو صطيف أبو صطيف: مبروك الدراجة الجديدة يا أبو العبد .... وينتا إشتريتها؟ أبو العبد: مبارح وأنا راجع عالبيت بالليل وقفتني واحدة ست كانت راكبة على الدراجة، قامت حطت ثيابها عجنب وقالتلي: قرب يا أبو العبد خود اللي بدك اياه ما تستحي؟ رحت أنا أخدت الدراجة ، قلت لحالي شو بدي أعمل بثيابها؟؟

أبو العبد كان يعمل امتحان إنكليزي الأستاذ سأله: أبو العبد كيف بتقول لواحد إنكليزي تعى لهون؟ أبو العبد: بسيطة ،أقول come here الأستاذ : برافو أبو العبد، وإسا كيف بتقول له روح لهناك ؟ أبو العبد : بسيطة بروح أنا لهناك وبقول له